काठमाडौं । नेपाली कांग्रेसका नेता डा. शेखर कोइराला पक्षको छुट्टै बैठक सुरु भएको छ । डा. कोइराला पक्षको बैठक विशालनगरस्थित कोइरालाको सचिवालयमा सुरु भएको हो ।
सभापति शेरबहादुर देउवाले पदाधिकारी बैठक आह्वान गरेपछि डा. कोइराला पक्षको छुट्टै बैठक बसेको नेता गुरुराज घिमिरेले जानकारी दिनुभयो ।
उहाँका अनुसार डा. कोइराला पक्षको बैठकमा सभापति देउवाले बोलाएको पदाधिकारी बैठकमा कसरी प्रस्तुत हुने भन्ने विषयमा छलफल केन्द्रित छ ।
सोमबार(भोलि)देखि कांग्रेसको केन्द्रीय समिति बैठक पनि बस्दै छ । केन्द्रीय बैठकका विषयमा आफू पक्षीय रणनीति तयार गर्न छुट्टै बैठक बस्न लागेको उहाँले बताउनुभयो ।
सभापति देउवा विधानअनुसार नचलेकाले डा. कोइराला पक्षको आरोप छ ।
