काठमाडौं । नेकपा माओवादी केन्द्रका अध्यक्ष प्रचण्डले पोलिटब्युरोमा रहने नेताहरूको नाम तेस्रो पटक वाचन गर्नुभएको छ ।
यसअघि पोलिटब्युरोको लिस्ट दुई पटक वाचन गरेकामा कतिपय नेताहरू छुटेको भन्दै नेताहरूले विरोध गरेपछि प्रचण्डले तेस्रो लिस्ट वाचन गर्नुभएको हो ।
तेस्रो लिस्टमा छुटेका भनिएका केही नेताहरूलाई पोलिटब्युरोमा समेटिएको एक नेताले बताएका छन् ।
नेताहरूको विरोधकै कारण प्रचण्डले यसअघि एक घण्टा बैठक स्थगित गरेर आन्तरिक छलफल गर्नुभएको थियो । छलफलपछि प्रचण्डले पुनः तेस्रो लिष्ट वाचन गर्नुभएको हो ।
