काठमाडौँ । सुनको मुल्य आज (शुक्रबार) घटेको छ । हिजोको तुलनामा सुनको भाउ तोलामा पाँच सय रुपैयाँले घटेको छ भने चाँदीको भाउ १० रुपैयाँले घटेको हो । नेपाल सुनचाँदी व्यवसायी महासंघले हिजो तोलाको ९१ हजार रुपैयाँमा कारोबार भएको छापावाल सुन आजका लागि प्रतितोला ९० हजार ५ सय कायम गरेको जनाएको छ ।

यस्तै तेजाबी सुनको भाउ पनि तोलामा ५ सय रुपैयाँले नै घटेको छ । आजका लागि तेजाबी सुनको भाउ तोलाको ९० हजार ६५ तोकिएको छ । हिजो तोलाको ९० हजार ५ सय ६५ रुपैयाँ तोकिएको थियो ।

यसैगरी चाँदीको मूल्य पनि तोलामा १० रुपैयाँले घटेको छ । हिजो तोलाको ९५० रुपैयाँमा कारोबार भएको चाँदीको भाउ आजका लागि ९४० रुपैयाँ तोकिएको महासंघले जनाएको छ ।