२०८३, कार्तिक २५ गते
- यो साता चर्चामा :
काठमाडौं । प्रधानमन्त्री शेरबहादुर देउवाले सत्ता गठबन्धनका शीर्ष नेताहरूको बैठक बोलाउनुभएको छ।
स्थानीय तहको निर्वाचनपछि सत्ता गठबन्धनसम्बद्ध पाँच दलका शीर्ष नेताहरूको बैठक बस्न लागेको हो । प्रधानमन्त्रीको सरकारी निवास बालुवाटारमा बुधबार दिउँसो ३ बजे शीर्ष नेताहरूको बैठक बस्न लागेको नेपाली कांग्रेसका नेता रामचन्द्र पौडेलले जानकारी दिनुभयो।
उहाँका अनुसार बैठकमा स्थानीय चुनावको समीक्षा, सरकारका कामकारवाही र आगामी प्रदेश र संघको निर्वाचनका विषयमा छलफल हुनेछ ।
स्थानीय निर्वाचनमा चुनावी तालमेल गरेका दलहरुले चुनावपछि संयुक्तरुपमा समीक्षा गरेका छैनन् । बैठकमा मन्त्रीहरूको हेरफेर र आम निर्वाचनको मितिबारे समेत छलफल हुने नेताहरूले बताएका छन् । आजै नेकपा एसका मन्त्रीहरुलाई फिर्ता पठाउने तयारी पनि गरिएको छ ।
