काठमाडौं । रुपन्देहीको मर्चवारी गाउँपालिकाले उपाध्यक्ष आशा सिंहको देवरको दुर्घटनामा परेर मृत्यु भएपछि गाउँपालिकामा बिदा दिएको छ।
गाउँपालिका अध्यक्ष गयाप्रसाद बरईले आज दिउँसो १ बजेदेखि बिदा दिइएको बताउनुभयो ।
गाउँपालिका कार्यालय, सबै वडा कार्यालय, सामुदायिक तथा निजी विद्यालय र अन्य संघसंस्थासमेत आज बन्द गरिएको उहाँले बताउनुभयो ।
उपाध्यक्ष र वडा नम्बर ५ का अध्यक्षको परिवारमा शोक परेकोले आज बिदा दिइएको अध्यक्ष बरईले जानकारी दिनुभयो । आज बिदा हुनेबारे बरईले नै हस्ताक्षर गरेर सूचनासमेत गाउँपालिकाले निकालेको छ।
हालै भएको स्थानीय चुनावमा अध्यक्ष र उपाध्यक्ष जनता प्रगतिशील पार्टीका उम्मेदवार निर्वाचित हुनुभएको थियो ।
