२०८३, श्रावण २४ गते
- यो साता चर्चामा :
काठमाडौं । प्रधानसेनापति प्रभुराम शर्माले एसपीपी कार्यक्रम सेनालाई मान्य नभएको बताउनु भएको छ ।
प्रतिनिधिसभाको अन्तर्राष्ट्रिय सम्बन्ध समिति बैठकमा शुक्रबार प्रधानसेनापति शर्माले एसपीपी नआएको र आए पनि मान्य नहुने बताउनुभयो ।’एसपीपी कुनै हालतमा काम छैन ।
एसपीपी हाम्रो लागि मान्य छैन,’ प्रधानसेनापति शर्माले भन्नुभयो । बाहिर डकुमेन्ट सार्वजनिक भएपछि क्रिया र प्रतिक्रिया आउनु स्वाभाविक भए पनि अब त्यसमा बिराम लगाउनुपर्ने बताउनुभयो ।
सुरुमा मानवीय सहयोगका लागि कुरा आएकोले पत्राचार भएको उहाँको भनाइ थियो । ’मानवीय सहयोगका लागि चिठी लेखेको हो सैन्य गठबन्धनमा जाने भएपछि हामी जाने होइन,’ उहाँले भन्नुभयो ।
उहाँले सैन्य गठबन्धन हुने भन्ने कुराको विरोध समेत गर्नुभयो । थप आशंका नगरौं यसलाई यहीँ नै निराकरण गरौं ।’ प्रधानसेनापति शर्माको भनाइ छ ।
