काठमाडौं । प्रधानमन्त्री शेरबहादुर देउवाले प्रतिनिधिसभामा जवाफ नदिनुहुने भएको छ ।
विनियोजन विधेयकमाथिको छलफलमा उठेका प्रश्नको रक्षामन्त्री एवं प्रधानमन्त्रीको हैसियतमा प्रधानमन्त्रीले जवाफ दिने कार्यसूची रहेको थियो । यद्यपि प्रधानमन्त्रीको तर्फबाट गृहमन्त्री बालकृष्ण खाँणले प्रतिनिधिसभामा जवाफ दिन सुरु गर्नुभएको छ ।
प्रधानमन्त्री देउवा आजको बैठकमा अनुपस्थित हुनुहुन्छ ।
नेमकिपाका सांसद प्रेम सुवालले प्रधानमन्त्री अनुपस्थित हुनुको कारण माग गर्दै प्रधानमन्त्रीको जवाफ अरूले दिन नमिल्ने भन्दै नियमापत्ति जनाउनुभएको थियो ।
जवाफमा सभामुख अग्नि सापकोटाले प्रधानमन्त्रीले कार्यव्यस्तताको कारण जनाउँदै बैठकमा आउन नसक्ने पूर्व सूचना दिएको जानकारी बैठकमा गराउनुभएको छ ।
संसद् बैठकमा जान कार्यव्यस्तताको कारण देखाएका प्रधानमन्त्री देउवाले आजै नेपाल चेम्बर अफ कमर्शले आयोजना गरेको चेम्बर एक्स्पो उद्घाटनको कार्यक्रममा भाग लिनुभएको थियो ।
