काठमाडौं । नेकपा एमालेका अध्यक्ष केपी शर्मा ओलीले स्थानीय तह चुनावमा एमालेले चुनाव मात्र नलडेर एउटा महासंग्राम नै लड्नु परेको बताउनुभएको छ ।
एमालेबाट निर्वाचित जनप्रतिनिधिका लागि काठमाडौंमा भएको प्रशिक्षण कार्यक्रममा ओलीले महासंग्राम जितेर आएको भन्दै जनप्रतिनिधिलाई बधाई दिनुभयो ।
उहाँले चुनावका नाममा गरिएका अस्वस्थ र अलोकतान्त्रिक गतिविधिसँग पनि लडेर आएका कारण एमालेका जनप्रतिनिधिले महासंग्राम लडेको बताउनुभयो । ओलीले एमाले बाहेक अरूसँग विकासको कुनै योजना नरहेको आरोप लगाउनुभयो ।
देशको विकास गर्ने र समृद्धि बनाउन पार्टी एमाले रहेको भन्दै उहाँले त्यो जिम्मेवारी पूरा गर्न जनप्रतिनिधिहरूलाई निर्देशन दिनुभयो ।
