काठमाडौं । नेपालकै चर्चित रियालिटी सो ‘सारेगमप लिटल च्याम्प’बाट उदाएकी कृपा पौडेल र रोशा फुयाँलको आवाजमा ‘फोन आउला कि’ बोलको गीत सार्वजनिक भएको छ । कृपा ‘सारेगमप लिगल च्याम्प’ को विजेता हुन् भने रोशा फस्ट रनरअप हुन् ।
शुक्रबार एपि म्युजिकबाट बजारमा सार्वजनिक भिडियोमा पनि कृपा र रोशालाई देख्न सकिन्छ ।
“फोन आउला कि”
पर्खेर कति बसौँ, तिमीलाई पर्खेर कति बसौँ तिम्रो फोन आउला कि, लब्ली टोन आउला कि...
यस्तै मन छुने शब्दहरूले बनेको गीतमा कृपा र रोशाको सुरिलो आवाजको केमेस्ट्री गजब मिलेको छ । गीतमा आफूले माया गरेको मान्छे आफूभन्दा टाढा हुँदा उसको फोनको प्रतीक्षामा बसेकी उसकी मायालुको भाव पोखिएको छ ।
झापा घर भएकी कृपा र रोशा मिल्ने साथी पनि हुन् । उनीहरूले ‘सारेगमप लिटल च्याम्प’ मा उत्कृष्ट प्रस्तुति दिएर दर्शक श्रोताको मन जितेकी थिइन् ।
ओपल रेकर्डिङ स्टुडियोमा रेकर्ड गरिएको यो गीतमा अग्नि पराजुलिको शब्द तथा लय रहेको छ भने विश्व अधिकारीले एरेन्जर गरेका छन् । गीतको मिक्सिङ्ग आकाश गौतमले गरेका छन् ।
हेर्नुहोस् भिडियो
