काठमाडौं । नायिका मिरुना मगर र फुर्पा लामाबीचको घटनाले नयाँ मोड लिएको छ । सामाजिक सञ्जालमा कुरा गर्दै फुर्पाले आफूले नयिकामाथि नियतबस गलत व्यवहार नगरेको बताएका छन् ।

चलचित्र ‘कबड्डी ४’ हेरिसकेपछि बाहिरिएका फुर्पा र नायिकाबीच धेरै मानिसको भिडमा भेट भएको थियो । सोही भिडमा सेलिब्रेटी आएपछि तस्बिर खिचाउने र सेल्फी लिनेको ताँती देखिन्थ्यो । त्यतिबेला फुर्पा पनि नजिक पुगेका थिए ।

फुर्पा हिड्ने क्रममा नायिका मिरुनाको शरिरमा सामान्य धकेलिएको उनले सामाजिक सञ्जालमा बताएका छन् । त्यसपछि आक्रोशित भएकी नायिका मिरुनाले फुर्पालाई झापड दिएकी थिइन् ।

सोहीक्रममा विवाद लम्बिएपछि फुर्पालाई नायिकाले प्रहरीको जिम्मा लगाएकी थिइन् । नायिकाको यो व्यवहारको चौतर्फी आलोचना भएपछि फुर्पा हिरासत मुक्त भएका थिए । अहिले मेलमिलाप भएपनि फुर्पाले आफ्नो कुनै गल्ती नभएको बताउँदै आएका छन् ।

फुर्पाले आफूलाई पढ्न नआउने र केके लेखेर हस्ताक्षर गराएको आरोप लगाएका छन् ।