२०८३, कार्तिक २५ गते
- यो साता चर्चामा :
काठमाडौं । प्रमुख प्रतिपक्षी दल नेकपा एमालेका सांसद तथा पूर्व अर्थमन्त्री सुरेन्द्र पाण्डेले आगामी आर्थिक वर्षको बजेटमा वृद्धभत्ता ६८ वर्षमै दिने निर्णयको विरोध गर्नुभएको छ ।
उहाँले सरकारले वृद्धभत्ता बढाएर मासिक ५ हजार पुर्याउनुपर्नेमा वृद्धभत्ता प्राप्त गर्ने उमेर घटाएकोमा आपत्ति जनाउनुभयो ।
प्रतिनिधिसभाको आजको बैठकमा आर्थिक वर्ष २०७९/०८० को बजेटमाथिको छलफलमा भाग लिँदै पाण्डेले एमालेले सुरु गरेको बजेटमा अरूको दाबी नपुग्ने बताउनुभयो ।
उहाँले जनयुद्ध माओवादीको र राष्ट्रिय मेलमिलापको नीति नेपाली कांग्रेसको भनेजस्तै एमालेको ब्रान्ड वृद्धभत्ता भएको बताउनुभयो । उहाँले वृद्धभत्तामा समय बढाए पनि, घटाए पनि जनताले एमालेलाई स्याबास र धन्यवाद दिने बताउनुभयो ।
बजेटले मुलुकको वर्तमान आर्थिक संकट समाधान गर्नतिर ध्यान नदिएको पाण्डेको भनाइ थियो ।
