चितवन। भरतपुर महानगरपालिका प्रमुख पदमा सत्तारुढ गठबन्धनकी उम्मेदवार रेनु दाहालले अग्रता झनै फराकिलो बनाउदै गएकी छन्। पछिल्लो ७३ हजार ७ सय ८७ मतगणना हुँदा दाहालले २७ हजार ४१२ मत पाएकी छन्। उनको २२ हजार २७९ मतको अग्रता कायम छ।

यस्तै, नेकपा एमालेका उम्मेदवार विजय सुवेदीले २३ हजार ९० मत पाएका छन्। अर्का प्रमुख पदका स्वतन्त्र उम्मेदवार जगन्नाथ पौडेलले १० हजार १३ मत पाएका छन्।

उपप्रमुख पदमा भने नेपाली काँग्रेसका चित्रसेन अधिकारी ३० हजार ९ सय १ मतका साथ अग्रस्थानमा छन्। अर्का प्रतिष्पर्धी राप्रपाकी हिमला गुरुङले १७ हजार ९ सय २० मत पाएकी छन्।