नेपालगञ्ज । बाँकेको जानकी गाउँपालिका नेपाली कांग्रेसका उम्मेदवार निर्वाचित भएका छन् ।

शुक्रबार(आज) सकिएको मतगणनाले जानकी गाउँपालिकाको अध्यक्षमा नेपाली कांग्रेसबाट अध्यक्ष पदका उम्मेदवार छब्बन खाँ र उपाध्यक्ष पदका उम्मेदवार रामप्यारी यादव निर्वाचित भएका हुन ।

खाँले छ हजार छ सय ५३ मत प्राप्त गरी आफ्ना निकटतम प्रतिद्धन्द्धी नेकपा एमालेका उम्मेदवार हिमान्सु यादवलाई पराजित गरेका हुन । खाँले यादवलाई एक हजार आठ सय ५८ मत बढि प्राप्त गरेका छन् ।

प्रतिद्धन्द्धी यादवले चार हजार सात सय ९५ मत प्राप्त गरेका छन् । भने जसपाका उम्मेदवार राजिव कुमार बर्माले दुई हजार नौ सय ३८ मत प्राप्त गरे ।

यस्तै उपाध्यक्षमा रामप्यारीले निकटतम प्रतिद्धन्द्धी भूमिसरा धिताललाई पराजित गरेकी छन् । उनले धिताललाई तीन हजार चार सय ५३ मत बढिले पराजित गरेकी हुन ।

राम प्यारीले छ हजार नौ सय नौं मत प्राप्त गरेकी छन् भने धितालले तीन हजार चार सय ५६ मत प्राप्त गरेकी छन् । धिताल यसअघिको कार्यकालकी गाउँपालिका उपाध्यक्ष भइसकेकी छन् ।

जानकीमा यसअघि एमालेले जितेको थियो ।