२०८३, कार्तिक २५ गते
- यो साता चर्चामा :
काठमाडौं । भक्तपुरको सूर्यविनायक नगरपालिकामा एमालेका उम्मेदवार निर्वाचित भएका छन् । निर्वाचन आयोगका अनुसार सूर्यविनायक नगरपालिकाको प्रमुखमा एमालेका उम्मेदवार वासुदेव थापा विजयी भएका हुन् । उनले १४ हजार ७ सय ५८ मत ल्याई विजयी भएका छन् ।
थापाले निकटतम प्रतिद्वन्द्वी नेपाली कांग्रेस उम्मेदवार निशान ढुंगेललाई १ हजार ५२६ मतान्तरले पराजित गरेका हुन् । पराजित निशान ढुंगेलले १३ हजार २३२ मत ल्याएका छन् ।
यस्तै उपप्रमुखमा एमालेकै सरिता भट्टराई (तिमिल्सिना) विजयी भएकी छन् । उनले १४ हजार ४ सय ९० मत ल्याएकी छन् । उनका निकटतम प्रतिद्वन्द्वी कांग्रेसका श्यामसुन्दर बस्नेतले ६ हजार ६ सय ६१ मत ल्याएका छन् ।
