२०८३, कार्तिक २५ गते
- यो साता चर्चामा :
काठमाडौं । स्थानीय तहको निर्वाचन देशैभर शान्त र सौहार्दपूण अवस्थामा भइरहेको छ ।
विभिन्न दलका नेताहरु मतदान गर्न आफ्नो गृह जिल्लामा पुगेका छन् । यसबीच नेपाली कांग्रेसका महामन्त्री गगन थापाले स्थानीय तह निर्वाचनमा कांग्रेस सजिलोसँग पहिलो पार्टी हुने दाबी गरेका छन् ।
मत हाल्न मतदान केन्द्र पुगेका महामन्त्री थापाले लोकतन्त्र र संविधानको रक्षाको लागि भएको गठबन्धन र नेपाली कांग्रेसकै कार्यकर्ताहरूको सक्रियताको कारण कांग्रेस पहिलो पाटी बन्नेमा शंका नरहेको जिकीर गरे ।
महामन्त्री थापाले यसपटक निर्वाचन मतदाता शिक्षा भने प्रभावकारी नभएको बताएका छन् । पार्टी र आयोग दुवैको तर्फबाट मतदाता शिक्षा प्रभावकारी नभएको र मौन अवधिमा मात्रै यसको महसुस भएको उनको भनाइ छ ।
थापाले काठमाडौं महानगरपालिका–३१ को मैतीदेवीको केन्द्रबाट मतदान गरेका छन् ।
