काठमाडौँ । निर्वाचन आयोगले देशभर विभिन्न पदमा ३५३ जना उम्मेदवार निर्विरोध निर्वाचित भएका जानकारी दिएको छ । आजको पत्रकार सम्मेलनमा आयोगले सो जानकारी दिएको हो ।

यस्तै ७५३ स्थानीयतहमध्ये ६ हजार ७४३ दलित महिला सदस्यको उम्मेदवारी परेको र विभिन्न स्थानीय तहमा १७० वटा महिला सदस्य पदमा मनोनयन दर्ता नभएको आयोगका सहायक प्रवक्ता सूर्यप्रसाद अर्यालले जानकारी दिनुभयो ।

यस्तै ३५३ जना उम्मेदार निर्विरोध भएको उहाँको भनाइ छ । निर्विरोध हुनेमा वडाध्यक्षसहित सदस्य पदहरु रहेका छन् ।