काठमाडौँ । अन्तर्राष्ट्रिय कानुनका विज्ञ गोविन्द बन्दी कानुन, न्याय तथा संसदीय मामिला मन्त्री नियुक्त हुनुभएको छ । प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले बन्दीलाई आज मन्त्री नियुक्त गर्नुएको हो ।

बन्दीले राष्ट्रपतिबाट पद तथा गोपनीयताको शपथ ग्रहण पनि गरिसक्नुभएको छ । यसअघि कानुन मन्त्रालयको कार्यभार सम्हाल्दै आउनुभएका दिलेन्द्रप्रसाद बडूलाई हाल प्रधानमन्त्रीले सम्हालिरहेको उद्योग, वाणिज्य तथा आपूर्ति मन्त्रालयको जिम्मेवारी दिइएको छ ।

गत फागुनमा प्रतिनिधि सभाबाट एमसीसी अनुमोदन गर्नुअघि व्याख्यात्मक घोषणा तयार पार्न बन्दी सक्रिय हुनुहुन्थ्यो । बन्दीको सक्रियतामा तयार पारिएको व्याख्यात्मक घोषणाकै कारण एमसीसी अनुमोदन हुनका साथै गठबन्धन पनि जोगिएको थियो ।