काठमाडौँ । नेकपा (एकीकृत समाजवादी) को सचिवालय बैठक आज बस्दैछ । बैठक दिउँसो १२ बजे पार्टी केन्द्रीय कार्यालय आलोकनगरमा बस्ने उपमहासचिव गंगालाल तुलाधरले जानकारी दिनुभयो ।

उपमहासचिव तुलाधरका अनुसार बैठकमा स्थानीय तह निर्वाचनबारे छलफल हुने छ । बैठकले स्थानीय तहको उम्मेदवार टुंगो लगाउने निकाय र हस्ताक्षर गर्ने अधिकारीको टुंगो लगाउने छ ।

निर्वाचनमा गठबन्धन गर्ने सम्बन्धी विषयमा पनि छलफल हुने बताइएको छ । आसन्न निर्वाचनमा गठबन्धनभित्र चुनावी तालमेल गर्नुपर्ने पक्षमा एकीकृत समाजवादी उभिएको छ । तर कांग्रेसभित्र यसबारे मतैक्य नहुँदा गठबन्धनसम्बद्ध दलका कार्यकर्ता अन्योलमा परेका छन् ।