२०८३, कार्तिक २३ गते
- यो साता चर्चामा :
प्रधानमन्त्री एवं नेपाली कांग्रेसका सभापति शेरबहादुर देउवाले दुई चारदिन अघिपछि भएपनि कांग्रेसको महाधिवेशन गराएरै छाड्ने बताउनुभएको छ ।
पाँचथरको फाल्गुनन्द गाउँपालिकामा आयोजित कार्यकर्ता भेलामा प्रधानमन्त्री देउवाले महाधिवेशन पर सार्ने पक्षमा आफू नरहेको बताउनुभएको हो ।
‘महाधिवेशन तोकिएकै मितिमा गर्ने हो । दुई चारदिन यताउता भएर केही फरक पर्दैन’, देउवाले भन्नुभयो ।
उहाँले पार्टीको आन्तरिक अधिवेशन हार्दिकताका साथ सम्पन्न गर्नसमेत निर्देशन दिनुभएको छ ।
‘पार्टीभित्र सकभर सहमति गरौँ, सहमति नभए लोकतान्त्रिक अभ्यास गरौं । चुनाव हारेकोले जितेकोलाई काम गर्न दिनुपर्छ, झगडा गर्नुहुँदैन’, देउवाले भन्नुभयो ।
सरकारले बाढी, पहिरो र डुबानबाट प्रभावित भएकालाई उचित राहत र सहयोग उपलब्ध गराउने भन्दै देउवाले मृतकका परिवारलाई २ लाख उपलब्ध गराइने बताउनुभयो ।
‘विपदमा परेका जनतालाई सरकारले हेर्छ । त्यसैले म आएको हुँ’, देउवाले भन्नुभयो ।
