काठमाडौँ । प्रतिनिधि सभाको कात्तिक ९ गतेका लागि बोलाइएको बैठक सरेको छ । प्रमुख प्रतिपक्षी दल नेकपा (एमाले) को पालिकास्तरको अधिवेशन ९ गते भएकाले प्रतिनिधिसभा बैठक कात्तिक ११ गतेसम्मका लागि सारिएको हो ।

संघीय संसद्का महासचिव भरतराज गौतमले मंगलबार सूचना निकालेर कात्तिक ९ गते दिउँसो १ बजेका लागि बोलाइएको बैठक विशेष कारणवश कात्तिक ११ गते बिहीबार दिनको २ बजे बस्ने निर्धारण भएको जानकारी गराउनु भएको छ ।

’एमालेले आफ्नो पालिका अधिवेधशन भएकोले बैठक सार्न आग्रह गरेको र सरकारसँगको समन्वयमा बैठक सारिएको हो’, सभामुख अग्निप्रसाद सापकोटाका प्रेस विज्ञ श्रीधर न्यौपानेले जानकारी दिनुभएको छ ।