काठमाडौं । संघिय मामिला तथा सामान्य प्रशासन मन्त्री राजेन्द्र श्रेष्ठले नेपालको संविधान बमोजिम संघियताको कार्यान्वयन गर्दै विज्ञान प्रविधिमैत्री प्रशासन बनाउने बताउनुभएको छ ।

नेपाली रेडियो नेटवर्कको नेपाली बहसमा पत्रकार ऋषी धमलासँग कुरा गर्दै उहाँले कर्मचारी तन्त्रमा भएको अनियमितता र भ्रष्टचारी तन्त्रलाई अन्त्य गर्ने आफ्नो लक्ष्य रहेको स्पष्ट पार्नुभयो ।

मन्त्री श्रेष्ठले साझा न्युनतम कार्यक्रमको भावना र मर्म अनुसार काम गर्ने अठोट लिनुभएको छ । हाल नेपालमा प्रारम्भिक संघीय शासन पद्धती भएको भन्दै अब समुन्नत संघीय शासन पद्धतीमा अगाडी बढ्दै समाजवादमा जाने उहाँको भनाइ छ ।

नेपालका संघीयता विकृत ढंगले लागु गरिएकोले यो शासन व्यवस्था खर्चिलो भएको भन्दै मन्त्री श्रेष्ठले कम खर्चिलो बनाउन तिर जानु पर्ने धाराणा राख्नुभयो । कर्मचारीतन्त्रलाई राजनीतिमुक्त बनाउने उहाँको भनाइ छ । संघियता र लोकतन्त्रलाई आधार बनाएर वैज्ञानिक कर्मचारीतन्त्रको निमार्ण गर्ने उहाँले बताउनुभयो ।