काठमाडौँ – नेकपा एमालेको विधान महाधिवेशनमा प्रस्तुत तीनवटै प्रतिवेदन पारित भएको छ।

आइतबार महाधिवेशनको पूर्ण सत्रले शुक्रबार प्रस्तुत प्रतिवेदनहरु पारित गरेको हो ।

शुक्रबार अध्यक्ष केपी शर्मा ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव र उपमहासचिव तथा संगठन विभाग प्रमुख विष्णुप्रसाद पौडेलले विधान संशोधन प्रस्ताव प्रस्तुत गर्नुभएको थियो ।

आइतबार प्रतिवेदन प्रस्तुतकर्ता तीनै जनाले जवाफ दिनुभयो ।

प्रतिवेदनमाथि छलफलका लागि १० वटा समूह गठन गरिएका थिए ।

उनीहरुले उठाएका प्रश्नहरुमाथिअओली, पोरखेल र पौडेलले सम्बोधन गरेका थिए ।

जवाफपछि ती प्रतिवेदनहरु सर्वसम्मत ढंगबाट पारित भएको हो ।