काठमाडौँ । राष्ट्रिय सभा बैठक स्थगित भएको छ । आज विहान बसेको बैठकमा प्रमुख प्रतिपक्षी नेकपा एमालेका सदस्यहरुले बिरोध जारी राखेका थिए ।
बैठक सुरु हुनासाथ प्रतिपक्षी नेकपा एमालेका सांसद खिमलाल भट्टराईले आफूहरुले उठाएका विषय र मुद्दा यथावत रहेकोले आफूहरुको बिरोध जारी रहने बताउनुभएको थियो ।
राष्ट्रिय सभा अध्यक्ष गणेश तिमल्सिनाले आर्थिक विधेयक अगाडि नबढाउँदा सिंगो राष्ट्र ठप्प हुने स्थिति रहेको बताउनुभएको थियो ।
एमालेकै अवरोधका बीच अगाडि बढाउन राम्रो नलागेको भन्दै उहाले बस्न आग्रह गर्नुभयो । तर एमाले सांसदहरु आ–आफ्नो स्थानमा उभिरहेपछि उहाले बैठक अघि बढाउनुभएको थियो । एमालेको विरोधका बीच बजेटसँग सम्बन्धित दुई विधेयक पास भएका छन् ।
बैठकमा अर्थमन्त्री जनादर्न शर्मा प्रभाकरले प्रतिनिधिसभाबाट सन्देशसहित प्राप्त आर्थिक विधेयक २०७८ र राष्ट्र ऋण उठाउने विधयेक २०७८ माथि विचार गरियोस् भन्ने प्रस्ताव पेश गर्नुभयो । दुवै प्रस्ताव बहुमतले पास भयो ।
दुवै विधेयकमाथि दफावार छलफलका लागि ११ गते सोमबार बैठक तोकिएको छ ।