काठमाडौं । लोक तथा दोहोरी गायिका अमृता नेपाली र गायक बसन्त थापाको स्वरमा ‘सालको पाल उडायो बतासैले’ यतिबेला बजारमा छ ।

सर्जक रमेश परियारको शब्द तथा संगीतमा रहेको उक्त गीत सामाजिक सञ्जाल टिकटकमा अत्यधिक प्रयोगमा आएको छ । गीतमा भएका सबै शब्द टिकटकमा प्रयोगमा आएका छन् । पृथक अनि मिठो आवाजकी धनी गायिका नेपालीले गाएका गीतहरु थुप्रै बजारमा आइसकेका छन् । दर्शकश्रोताले अत्यधिक रुचाएका पनि छन् ।

गीतमा यस्ता शब्द रहेका छन् –

‘यति अत्यास मायाको लाछ
पानीभीत्रै सास फेरे झैं भाछ
बतासैले, सालको पात उडायो बतासैले, मेरो मन चुडायो अतासैले’

गीतमा दुई प्रेम गर्ने जोडीको प्रेमलाई मुख्य विषय बनाइएको छ । प्रेमी जोडी दुरिले टाढा भएपछि याद र मायाले अताएको भावमा कलाकार दुर्गेश थापा र गीता ढुङगानाको अभिनय रहेको छ ।

काजिश श्रेष्ठको निर्देशन रहेको गीतलाई गायक बसन्त थापाको अफिसियल युट्युवमार्फत सार्वजनिक गरिएको छ ।