काठमाडौं । गायिका उषा गजुरेलको लोक आधुनिक गीत ‘हजुरको माया’ले बजारमा आएको छ । उषा गजुरेल र सुरज पंडितको आवाजमा बजारमा आएको यो तेस्रो गीत हो ।

‘हजूरको माया’ले गितको लेखन तथा सङ्गित सुरज पंडितकै रहेको छ भने गीतको व्यवस्थापन उदयराज पौडेलको रहेको छ । प्रिजम स्टुडियोमा रेकर्ड भएको गीतको निर्माता संम्राट दाहाल रहनुभएको छ।

म्युजिक भिडियोमा कुशल बिष्ट र श्वेता मिश्रको अभिनय रहेको छ भने म्युजिक भिडियोको निर्देशन नारायण मगर तथा सम्पादन दिनसन शाहले गरेका छन् । म्युजिक भिडियोको नृत्य निर्देशन सोनी श्रेष्ठको रहेको छ । त्यसैगरी भिडियो छायाङ्कन ज्ञानेन्द्र शर्माले गर्नुभएको छ ।

यस अघि उषा गजुरेल र सुरज पंडितको आवाजमा ‘स्वास’ र ‘कानैमा माडुली दिउँला’ बजारमा आई सकेको छ ।
हजूरको मायासंगै गायिका उषा गजुरेलको स्वास, मौसम, यो सोझो पल्कियो, मायाको सम्झना र आमा बजारमा आइसकेको छ ।