२०८३, कार्तिक २३ गते
- यो साता चर्चामा :
सत्तारुढ जनता समाजवादी पार्टीका अध्यक्ष उपेन्द्र यादवले राजनीतिक दल विभाजनसम्बन्धी अध्यादेश खारेज नभइ मन्त्रिपरिषद् विस्तार नहुने बताउनुभएको छ ।
सिन्धुलीमा पत्रकारहरूसँग कुरा गर्दै अध्यक्ष यादवले २० प्रतिशतले पार्टी फुटाउन पाउने अध्यादेशले अस्थिरता ल्याउने भन्दै पहिले यसलाई खारेज वा निष्क्रिय बनाएरमात्र सरकार विस्तार हुने प्रष्ट पार्नुभयो ।
‘तत्काल केही गर्नु परेका कारण अध्यादेश ल्याइएको हो । त्यसलाई खारेज नगर्दा दलहरु टुक्रिरहने र लोकतन्त्रनै खतरामा पर्ने भएकाले यसलाई खारेज गरेपछिमात्र मन्त्रिपरिषद विस्तार हुन्छ’, उहाँले भन्नुभयो ।
सरकारले अध्यादेश संसदमा पेस गरिसकेको छ । सोही अध्यादेशका आधारमा एमाले र जसपा विभाजित भएका छन् ।
अब जसपा विभाजनका लागि अहिलेको अध्यादेश कायमै रहँदा ४ जना सांसदले विद्रोह गरे पुग्छ ।
मन्त्री बन्न नपाउनेहरुले फेरि पार्टी फुटाउने त्रास यादवलाई छ ।
