काठमाडौं । नेपाली कांग्रेसका युवा नेता राजु थापाले स्याङजा जिल्ला सभापतिमा उम्मेद्वारी घोषणा गर्नु भएको छ ।

आसन्न १४ औं महाधिवेशन अन्तर्गत हिजोबाट शुरु भएको वडा अधिवेशनका क्रममा नेता थापाले जिल्ला सभापति पदका लागि उम्मेद्वारी दिने घोषणा गर्नु भएको हो ।

थापाले आफ्नो वडा पुतलीबजार नगरपालिका वडा नं ४ को वडा अधिवेशनको कार्यक्रम मार्फत आफू नेपाली कांग्रेस स्याङ्जा जिल्ला सभापतिको लागि स्वतः उम्मेदवार भएको उल्लेख गर्नुभयो ।

जिल्लाभित्रको कांग्रेसको संगठनलाई थप चुस्त बनाउन र पार्टीको संगठनलाई थप मजबुत बनाउन आफू जिल्ला सभापति बन्न चाहेको बताउनुभयो ।

जिल्लामा सभापति पदका लागि धेरै आकाँक्षी रहेपनि थापाले आधिकारिक रुपमा पहिलो पटक उम्मेद्वारी घोषणा गर्नु भएको हो ।
पार्टीभित्र रहेका तिक्तता न्युनिकरण गर्दैै सबैलाई एक बनाएर लैजान समेत आफ्नो उम्मेद्वारी महत्वपूर्ण रहने थापाको विश्वास छ ।

लामो समय जिल्लाको राजनीतिमा सक्रिय रहेका थापाले दोश्रो संविधान सभाको निर्वाचनमा स्याङजा जिल्ला क्षेत्र नं १ बाट संविधान सभा सदस्य पदमा निर्वाचित हुनु भएको थियो ।