२०८३, कार्तिक २३ गते
- यो साता चर्चामा :
काठमाडौं । चीनसँगको सिमाना विवादका बारेमा सरकारले अध्ययन गर्न खोज्दा एमालेले आपत्ति जनाएको छ ।
चीनले नेपालका धेरै भूभाग मिचेको भन्दै लामो समयदेखि लगातार आवाज उठेपछि सरकारले केही दिन अगाडि सिमा विवाद अध्ययनका लागि समिति गठन गरेको हो ।
तर एमालेका नेताहरुले भने चीनले नेपालको सिमाना मिच्दै नमिचेको र त्यसका लागि अध्ययन आवश्यक नै नरहेको दावी गरेका छन् ।
एमाले नेता तथा पूर्व गृहमन्त्री खगराज अधिकारीले चीनले सिमाना मिच्यो भन्नु पुर्वाग्रह मात्रै भएको आरोप लगाउनुभयो ।
काँग्रेस नेता तथा चीनसँगको सिमाना छोडिएको हुम्लाका सांसद जीवन बहादुर शाही नेतृत्वको एक टोलीले स्थलगत अध्ययन गरी चीनले सिमाना मिचेको भन्दै छानविन गर्न सरकारलाई आग्रह गरेको थियो ।
तर एमाले अध्यक्ष केपी शर्मा ओली प्रधानमन्त्री र एमाले सचिव प्रदिप ज्ञवाली परराष्ट्रमन्त्री भएको सरकारले स्थगलगत अध्ययन प्रतिवेदन अध्ययन नै नगरी प्रतिवेदनलाई चुनौती दिदै सिमाना नमिचिएको दावी गरेको थियो ।
कुनै अध्ययन तथा आधार विना चीनले सिमाना मिच्न नसक्ने ओली सरकारले दावी गरेकोप्रति सर्वत्र विरोध समेत भएको थियो ।
