काठमाडौँ । मन्त्रिपरिषद् विस्तारलगायत मुलुकका समसामयिक विषयमा छलफल गर्न सत्ता गठबन्धनका शीर्षनेताहरुको बैठक आज पनि बस्दै छ । आजको बैठकले मन्त्रालय बाँडफाँटको विषय टुंगो लगाउने बताइएको छ । यसअघि आइतबार पनि शीर्षनेताको बैठकले बसेर यसबार छलफल गरेको थियो ।

आजै टुंग्याउने तयारी गरिए पनि गठबन्धनका दलबीच कतिपय विषयमा छलफल गर्नुपर्ने भएकाले सम्भव नभएको जनाइएको छ । मंगलबारसम्म आन्तरिक तयारी सकेर बुधबार सरकारलाई पूर्णत दिने आफू निकट नेतासँगको भेटमा प्रधानमन्त्री शेरबहादुर देउवाले बताएको एक नेताले जानकारी दिनुभयो ।

सरकार गठनको डेढ महिना बितिसक्दा पनि मन्त्रिपरिषद्लाई पूर्णता दिन नसकेको भनेर देउवा नेतृत्वको सरकारको आलोचना हुँदै आएको छ ।