काठमाडौँ । प्रदेश नम्बर २ मा मन्त्रीहरूको जिम्मेवारी हेरफेर गरिएको छ ।

मुख्यमन्त्री लालबाबु राउतले अर्थ मन्त्रालय र भूमि व्यवस्था कृषि तथा सहकारी मन्त्रालयको जिम्मेवारी हेरफेर गरेको हुन् । अर्थ मन्त्रालयको जिम्मेवारी शैलेन्द्र कुमार साहले पाएका छन् । यस अघि भूमि व्यवस्था, कृषि तथा सहकारी मन्त्रालयको जिम्मेवारीमा रहेका शैलेन्द्र कुमार साहलाई अर्थ मन्त्रालयको जिम्मेवारी दिइएको छ ।

यस्तै जसपा प्रदेश समितिका अध्यक्ष समेत रहेका विजयकुमार यादवले साहले सम्हाल्दै आएको मन्त्रालयको जिम्मेवारी पाएका छन् ।
मुख्यमन्त्री राउतले जिम्मेवारी हेरफेरको जानकारी मन्त्रीहरूलाई दिइसकेको पूर्व राज्यमन्त्री सरोज सिंह कुश्वाहाले बताए ।