२०८३, कार्तिक २३ गते
- यो साता चर्चामा :
काठमाडौं । संघीय संसद अन्तर्गतको प्रतिनिधि सभा बैठकमा आज रेल सम्वन्धी विद्ययक पेस हुन लागेको छ दिउँसो १ बजे संसद भवन नयाँ बानेश्वरमा बस्नेगरी बैठक बोलाइएको संसद सचिवालयले जनाएको छ ।
आजको प्रतिनिधि सभा बैठकमा “रेल्वे विधेयक, २०७६” सम्बन्धी राष्ट्रिय सभाबाट प्राप्त सन्देश प्रतिनिधि सभाका सचिव गोपालनाथ योगीले टेबुल गर्ने कार्यसूची रहेको छ ।
यस्तै “प्रत्यायन (एक्रिडिटेशनं) विधेयक, २०७६” पनि आजै प्रतिनिधि सभामा टेबुल गर्ने कार्यसूची रहेको सचिवालयले जनाएको छ ।
आजै विभिन्न संसदीय समितिहरुको बैठक पनि बस्न लागेका छन् । अर्थ समिति र अन्तर्राष्ट्रिय सम्बन्ध समितिको विहान ११ः०० बजेपछि बस्नेगरी तय गरिएको छ भने विधायन व्यवस्थापन समितिको बैठक ११ः३० बजे बस्नेगरी बोलाइएको छ ।
त्यसैगरी प्रत्यायोजित व्यवस्थापन तथा सरकारी आश्वासन समितिको बैठक भने दिउसो सवा १२ बजे बस्ने संसद सचिवालयले जनाएको छ ।
