काठमाडौं – शेयर बजारको परिसूचक नेप्सेले ४१ दिनअघिको उच्च अंकको रेकर्ड तोडेको छ । यस दिन बजारको परिसूचक नेप्से ५४.३ अंकले बढेर अहिलेसम्मकै उच्च अंक ३ हजार ५८ अंक कायम भएको छ ।

यसअघि जेठ ३१ गते ३ हजार २६ अंकको रेकर्ड बनेको थियो । यस दिन कारोबार रकम पनि बढेको छ । यसअघि बिहीबार ११ अर्ब ११ करोडको कारोबार भएकोमा यस दिन १४ अर्ब ३० करोडको कारोबार भएको छ ।

कारोबार रकमको पुरानो रेकर्ड भने तोडिएको छैन । यसअघि जेठ ३० गते १९ अर्ब ५५ करोड रुपैयाँ बराबरको कारोबार भएको रेकर्ड छ ।