काठमाडौं । प्रधानमन्त्री निवासबाट निजि निवास फर्किदा निवर्तमान प्रधानमन्त्री केपी शर्मा ओलीले गरेको तामझामलाई अस्वभाविक र भद्दा भएको धेरैले टिप्पणी गरेका छन् ।

राजनीतिक शिर्ष नेताहरुले प्रधानमन्त्रीबाट बाहिरिनुलाई स्वभाविक रुपमा लिनु पर्ने र त्यसैका आधारमा धेरै आक्रोस र कुण्ठा व्यक्त गर्न नहुने काँग्रेस नेता डा नारायण खड्काको भनाई छ ।

नेपाली रेडियो नेटवर्कको नेपाली बहसमा उहाँले आफुलाई साम्यवादी नेता बताउने नेताहरुलाई त झन यस्तो तडकभडक सुहाउदै नसुहाउने टिप्पणी गर्नुभयो ।

उहाँले आफु निवास फर्किदा पनि नाराजुलुश गराउनु, घरको वार्दलीबाट अरुलाई गालीगलौज गर्नु अराजनीतिक घटना भएको दावी पनि गर्नुभयो ।

उहाँले सत्तारुढ दलका नेताहरुका बीचमा अनौपचारिक गठवन्धन वा संयन्त्र बनाउनुलाई भने अनौठो र अफ्ट्यारो मान्नु नपर्ने धारणा राख्नुभयो ।