२०८३, कार्तिक २३ गते
- यो साता चर्चामा :
काठमाडौं – प्रधानमन्त्री केपी शर्मा ओलीले नेपाली कांग्रेसका सांसद शेरबहादुर देउवाको दावीअनुसार प्रधानमन्त्री बनाइए पञ्चायती निर्दलीयता ब्युँतने दावी गर्नुभएको छ । संवैधानिक इजलाशको आदेशअनुसार आज सर्वोच्च अदालतलाई लिखित जवाफ बुझाउँदै उहाँले यस्तो बताउनुभएकमो हो ।
प्रधानमन्त्री ओलीले देउवासहितका १४६ निवर्तमान सांसदले माग गरेबमोजिम अदालतले फैसला दिने हो भने पञ्चायती व्यवस्थाझै निर्दलीयता ब्युँतने जिकिर गर्नुभएको छ ।
प्रतिनिधिसभा विघटनको कारण सोध्दै सर्वोच्च अदालतले प्रधानमन्त्री र राष्ट्रपतिको कार्यालयलाई सात दिनभित्र लिखित जवाफ बुझाउन आदेश दिएको थियो । प्रधानमन्त्री ओलीले सातौं दिन आज महान्यायाधिवक्ता कार्यालयमार्फत् पठाइएको जवाफमा रिट निवेदकहरुको दावी संविधान र लोकतन्त्रको आधारभूत मूल्य र मान्यताविपरीत रहेको दलील पेश गर्दै गर्नुभएको हो । उहाँले दलीय अनुशासन उल्लंघन गर्ने छुट कुनै सांसदलाई नभएकोसमेत स्पष्ट पार्नुभएको छ ।
‘आफ्नो दलको नेताले प्रधानमन्त्रीका लागि दावी पेश गरेको अवस्थामा सोही दलका सांसदले विपक्षी दलको नेतालाई समर्थन गर्ने कार्य संसदीय प्रणालीमा कल्पना नै गर्न सकिँदैन’, उहाँले दिएको जवाफमा भनिएको छ ।
प्रधानमन्त्रीले दिएको जवाफको पूर्णपाठ हेर्न यहाँ क्लिक गर्नुहोस् :
