काठमाडौं – विपक्षी गठबन्धनलाई बहुमत पु¥याउन निर्णायक बनेका दीपक मनाङेले गृह मन्त्रालयमा दाबी गरेका छन् । प्रदेशमा गृहलाई आन्तरिक मामिला तथा कानुन मन्त्रालय भनिन्छ ।

प्रदेश प्रमुख सीता पौडेलले दिएको समय आज ३ बजे सकिएसँगै कांग्रेसका कृष्णचन्द्र नेपाली मुख्यमन्त्री बन्दैछन् ।

नेपालीलाई मुख्यमन्त्री बन्नका लागि मनाङेको समर्थन निर्णायक बनेको छ । उनले पृथ्वीसुब्बा गुरुङको सरकारमा युवा तथा खेलकुद मन्त्रालय पाएका थिए । मन्त्री पदमा रहेकै बेला विपक्षी गठबन्धनमा लागेपछि उनलार्ई गुरुङले बर्खास्त गर्नुभएको थियो ।

स्रोतका अनुसार सांसद मनांगेले कांग्रेस र माओवादी केन्द्र गठबन्धनका नेताहरुसँगको छलफलमा आफूलाई गृह नभए अर्थ तथा योजनामन्त्री चाहिने बताएका छन् । मनाङेमाथिको ज्यान मुद्दा सर्वोच्च अदालतमा विचारधीन छ ।

विपक्षी गठबन्धनले भने मनाङेलाई अरु मन्त्रालयमा मनाउन प्रयास गरिरहेको बताइएको छ ।