काठमाडौं । नेकपा एमालेको स्थायी कमिटी बैठक आज (सोमबार) बस्दै छ ।

प्रधानमन्त्रीसमेत रहेका एमाले अध्यक्ष केपी शर्मा ओलीले बिहान १० बजेका लागि पार्टीको स्थायी समिति बैठक बोलाउनुभएको हो ।

एमाले सचिवालयका अनुसार बैठक प्रधानमन्त्रीको सरकारी निवासमा बस्नेछ । बैठकले माधव नेपाल पक्षका नेता घनश्याम भुसालसहित १२ नेतालाई कारबाही गर्ने सम्भावना छ ।

उनीहरूले स्पष्टीकरण नदिएकाले कारबाहीको निर्णय हुन सक्ने रहेको एमाले स्रोतले जनाएको छ ।

यसअघि ओलीले माधव नेपाल, झलनाथ खनाल, भीम रावलसहित ११ नेतालाई साधारण सदस्यसमेत नरहने गरी एमालेबाट निष्कासन गरिसकेका छन् ।