काठमाडौं - पछिल्ला केही दिनयता नेपाली बजारमा सुनचाँदीको मूल्यमा उच्च वृद्धि भएको छ । गत आइतबारदेखि निरन्तर उकालो लाग्न थालेको सुनचाँदीको मूल्यले आज पनि निरन्तरता पाएको हो ।

आज सुन प्रतितोला अधिकतम ६०० रुपैयाँले वृद्धि भएर ९३ हजार ४०० रुपैयाँ कायम भएको नेपाल सुनचाँदी व्यवसायी महासंघले जनाएको छ । त्यस्तै, आज तेजाबी सुन प्रतितोला ९२ हजार ९०० रुपैयाँ कामय भएको छ ।

यता चाँदीको मूल्यसमेत आज उच्च वृद्धि भएको छ । महासंघका अनुसार आज चाँदी एकैदिन प्रतितोला ३५ रुपैयाँले वृद्धि भएर एक हजार ३९० रुपैयाँ कायम भएको छ ।