काठमाडौं - प्रधानमन्त्री केपी शर्मा ओली र माधव नेपालवीच बूढानीलकण्ठकै चपली हाइटमा वार्ता चलिरहँदा माओवादी केन्द्र्रका अध्यक्ष प्रचण्ड
काठमाडौं । नेपाली काँग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता सुरु भएको छ । देउवालाई भेट्न प्रचण्ड केहीबेरअघि बूढानीलकण्ठ पुग्नुभएको हो ।

नयाँ सरकार गठनका लागि राष्ट्रपतिले दिएको समय सीमा आज राति ९ बजे सकिने भएकाले यसबारे छलफल गर्न प्रचण्ड देउवा निवासमा पुगेको बताइएको छ ।

यसअघि सभापति देउवाले जनता समाजवादी (जसपा)का नेताहरु महन्थ ठाकुर र राजेन्द्र महतोसँग भेटवार्ता गरेका थिए । त्यो त्यो भेटवार्ता निष्कर्षविहीन टुंगिएको जसपाका नेताहरुले बताएका छन् ।

जसपाको एउटा समूहसँगको वार्ता निष्कर्षमा नपुगेपछि नयाँ रणनीति बनाउन सभापति देउवाले आज दिउँसो ४ बजे पदाधिकारी बैठक बोलाउनुभएको छ ।

त्यसैगरी, अहिले एमाले अध्यक्ष तथा प्रधानमन्त्री केपी शर्मा ओली र वरिष्ठ नेता माधवकुमार नेपालबीच पनि भेटवार्ता चलिरहेको छ । उनीहरुबीच एमाले एकता कायम राख्ने प्रयास भइरहेको प्रधानमन्त्रीका प्रेस सल्लाहकार सूर्य थापाले बताउनुभएको छ ।

यता, जसपाका अध्यक्ष महन्थ ठाकुरले पनि भक्तपुरको एक रिसोर्टमा आफूपक्षीय सांसदहरुको बैठक राखेका छन् ।