काठमाडौं । नेकपाका प्रवक्ता नारायणकाजी श्रेष्ठले अध्यक्ष पुष्पकमल दाहाललाई राष्ट्रपति निवासमा झुक्याएर लगेको भन्ने कुरामा सत्यता नभएको बताउनुभएको छ ।

स्थायी कमिटीको बैठकपछि पत्रकारहरुसँग कुरा गर्दै आज दिउँसो नेता श्रेष्ठले आफूहरुको अध्यक्ष झुक्किने खालको नभएको बताउनुभएको हो ।
यसअघि सचिवालय बैठकलगत्तै अध्यक्षद्वय केपी शर्मा ओली र पुष्पकमल दाहाल प्रचण्ड राष्ट्रपति निवास शीतल निवासमा जानुभएको थियो ।

त्यसपछि दाहालको निवास खुमलटारमा बसेको स्थायी कमिटीका केही सदस्यहरुको अनौपचारिक बैठकमा आफू परिबन्धमा परेर राष्ट्रपति निवास पुगेको बताउनुभएको थियो ।