काठमाडौं । आज लोकतन्त्र दिवस । १९ दिने जनआन्दोलनको बलमा लोकतन्त्र स्थापना भएको दिनको सम्झनामा स्वरूप प्रत्येक वर्ष बैशाख ११ गतेलाइ लोकतन्त्र दिवसको रूपमा मनाउने गरिएको छ ।

२०६३ वैशाख ११ गते अर्थात् आजैका दिन तत्कालिन राजा ज्ञानेन्द्र शाहले नेपालीको नासो नेपालीलाई नै हस्तान्तरण गर्न चाहन्छु भन्दै संसद पुनस्र्थापना गरिदिएपछि लोकतन्त्र स्थापना भएको हो । उहाँले तत्कालिन प्रधानमन्त्री शेरबहादुर देउवालाई अपदस्त गरी शासन आफ्नो हातमा लिएपछि लोकतन्त्रका लागि नेपालका जनआन्दोलन भएको थियो ।

त्यतिबेला सशस्त्र युद्धरत तत्कालिन नेकपा माओवादी र शान्तिपूर्ण सडक आन्दोलनकारी राजनीतिक दलहरु बीच सम्पन्न १२ बुँदे सहमति पश्चात १९ दिने ऐतिहाँसिक जनआन्दोलन भएको थियो ।

आन्दोलनको सफलता स्वरुप बैशाख ११ गते तत्कालिन संसदको पुनस्र्थापनासँगै लोकतन्त्र स्थापना भएपछि त्यही संसदले संविधान सभाको निर्वाचन गराउनेसम्मका धेरै ऐतिहासिक निर्णयहरु गरेको थियो ।

मुलुकलाई धर्मनिरपेक्ष बनाउने, समावेशी र समानुपातिक व्यवस्थालाई लागु गर्ने, श्री ५ को सरकारलाई नेपाल सरकार बनाउने, संसदको अधिकार बढाउनेलगायतका निर्णयहरु तत्कालिन संसदले गरेको थियो ।

संविधानसभाको पहिलो बैठकले २०६५ जेठ १५ गते नेपालमा २४० वर्षे राजतन्त्रको अन्त्य गर्दै सङ्घीय लोकतान्त्रिक गणतन्त्र घोषणा ग¥यो । दोस्रो संविधानसभाबाट २०७२ असोज ३ गते जारी भएको संविधान नै अहिले कार्यान्वयन भएको छ ।

तर अपेक्षित कामहरु हुन नसकेको र राजनीतिक विक्रिती पनि दिन प्रतिदिन बढ्दै गइरहेको भन्दै निराशा पनि दिनप्रतिदिन बढ्दै गएको छ ।