२०८३, श्रावण १० गते
- यो साता चर्चामा :
काठमाडौं । प्रदेश १ संसदमा देखिएको समस्या समाधान गर्न सभामुखले बोलाएको छलफलमा नगएका मुख्यमन्त्री शेरधन राईले छुट्टै सर्वदलीय बैठक बोलाउनुभएको छ ।
सोमबार (आज) प्रदेशसभा बैठक बस्नुअघि मुख्यमन्त्री राईले सर्वदलीय बैठक बोलाउनुभएका हो ।
संसद्मा देखिएको समस्या सामधान गर्न आइतबार सभामुख प्रदीपकुमार भण्डारीले संसदमा प्रतिनिधित्व गर्ने दलहरुको सर्वदलीय छलफल बोलाउनु भएको थियो । मुख्यमन्त्रीको सहमतिमा बोलाइएको बैठकमा मुख्यमन्त्री राई नै उपस्थित भएनन् । मुख्यमन्त्री उपस्थित नभएपछि छलफल विनानिष्कर्ष टुङ्गिएको थियो ।
प्रतिपक्षी दलहरुले आजको बैठक पनि अवरोध गर्ने बताएपछि मुख्यमन्त्री राईले विहान ११ बजे सर्वदलीय बैठक बोलाउनु भएको छ ।
सर्वदलीय छलफलमा मुख्यमन्त्री माग सम्बोधन गर्न सहमत भए प्रदेश सभामा अवरोध नगर्ने प्रतिपक्षको तयारी छ ।
