काठमाडौं । आज सेयर बजारको परिसूचक नेप्से १ अंकले बढेर नयाँ उचाइमा पुगेको छ । दिनको कारोबारपछि परिसूचक २६५८ अंकमा कायम भएको छ । यो अंक अहिलेसम्मकै उच्च हो । आइतबार मात्रै नेप्सेले नयाँ उचाइ बनाएको थियो ।

यस दिन ७ अर्ब २९ करोड रुपैयाँको सेयर कारोबार भएको छ । रकमका आधारमा आइतबारको तुलनामा कारोबार रकम खुम्चिएको छ । आइतबार ९ अर्ब रुपैयाँको किनबेच भएको थियो ।

यस दिन बैंकिङ ११, विकास बैंक १३, निर्जीवन बीमा १०६ र जीवन बीमा ३८ अंकले घटेका छन् । लगानी र फाइनान्स समूह १ अंकमुनि रातो रहेका छन् ।