काठमाडौं । नेकपा (एमाले)को खनाल–नेपाल पक्षीय अखिल नेपाल महिला संघको राष्ट्रिय भेला आज हुन लागेको छ ।

पार्टीका अध्यक्ष तथा प्रधानमन्त्री केपी शर्मा ओली पक्षीय महिला संघको भेला भने यसअघि नै भइसकेको छ ।

आजको भेलामा पूर्व प्रधानमन्त्री तथा नेकपा (एमाले) का वरिष्ठ नेताद्वय माधव कुमार नेपाल, झलनाथ खनाललगायतका शिर्ष नेताहरु समेत सहभागी हुनुहुने भएको छ ।

काठमाडौको कालिमाटीमा रहेको कालिमाटी व्याङ्क्वेटमा विहान ११ बजेपछि भेला हुने जनाइएको छ ।

भेलामा देशभरीबाट खनाल नेपाल पक्षीय महिला नेतृहरुको सहभागीता रहने भेलाका आयोजकहरुले जानकारी दिएका छन।

आजै एमालेका उपाध्यक्ष डा.भिम रावलको आतिथ्यतामा सुदुरपश्चिमेली कार्यकर्ता भेला पनि आयोजना गरिएको छ ।

काठमाडौको नयाँ बानेश्वरमा रहेको अर्याल होटल विहानै देखि भेला भइरहेको जनाइएको छ।