२०८३, श्रावण १३ गते
- यो साता चर्चामा :
काठमाडौं । मदनकृष्ण श्रेष्ठको स्वरमा तयार भएको ’लेजेन्डरी भर्जन’ ’फूलबुट्टे सारी’ बोलको गीत मंगलबार युट्युबमार्फत सार्वजनिक गरिएको छ । दर्शक र स्रोतामाझ निकै लोकप्रिय बनेको ’फुलबुट्टे सारी’ बोलको गीत यसअघि मेल, फिमेल र चाइल्ड भर्जनमा आइसकेको छ ।
‘लेजेन्डरी भर्सन’ भनिएको यस गीतको भिडियोमा मदनकृष्ण आफैँले अभिनय गरेका छन् । मदनको जोडीका रूपमा अभिनेत्री मिथिला शर्माले अभिनय गरेकी छिन् । भिडियोमा बुढेसकालको प्रेमलाई देखाइएको छ ।
यसअघि सार्वजनिक भएको मेल भर्सनमा मार्मिक लामा, फिमेल भर्सनमा मिलन नेवार र चाइल्ड भर्सनमा आरिश्मा सिवाकोटीले स्वर दिएका थिए । मेल भर्सनले युट्युबमा १ करोड ८६ लाख भ्युज पार गरेको छ भने फिमेल भर्र्सनले छोटो समयमा नै ३ करोड १८ लाख भ्युज नाघेको छ ।
फूलबुट्टे सारीलाई राजनराज सिवाकोटीले लेखेका हुन् भने उतm गीतमा संगीत पनि उनकैै रहेको छ ।
यी सबै भर्जनको भिडियो निर्देशन राजेश पुमा राईले गरेका छन् । उत्सव दाहालले खिचेका भिडियोहरुलाई विकास दाहालले सम्पादन गरेका छन् ।
