२०८३, कार्तिक २१ गते
- यो साता चर्चामा :
काठमाडौं । नेपाली कांग्रेसले सोमबार देशैभर प्रदर्शन र सभा गर्ने भएको छ । प्रधानमन्त्री केपी शर्मा ओलीले प्रतिनिधि सभा विघटन गरेको विरोधमा कांग्रेसले प्रदर्शन गर्न लागेको हो ।
जिल्लाहरूमा हुने प्रदर्शनका लागि कांग्रेसले केन्द्रबाट प्रतिनिधिसमेत तोकेको छ । सभापति शेरबहादुर देउवाले बुटवलमा हुने कार्यक्रमलाई सम्बोधन गर्नुहुने भएको छ ।
कांग्रेसले प्रतिनिधि सभा विघटनको असंवैधानिक कदमविरूद्ध जुट्न कार्यकर्तालाई निर्देशनसमेत दिएको छ। सोमबार ७७ जिल्लामै कांग्रेसले विरोध प्रदर्शन गर्न लागेको छ ।
कांग्रेस प्रवक्ता विश्वप्रकाश शर्माले ललितपुरस्थित लगनखेलमा हुने कार्यक्रमलाई सम्बोधन गर्नुह्ुने छ भने केन्द्रीय सदस्य गगन थापाले चितवनमा हुने कार्यक्रमलाई सम्बोधन गर्ने कार्यक्रम तय भएको छ ।
यस्तै पूर्वमहामन्त्री प्रकाशमान सिंह पोखरामा हुने कार्यक्रममा सहभागी हुँदै हुनुहुन्छ । केन्द्रीय सदस्य रामशरण महत काभ्रे र केन्द्रीय सदस्य प्रदीप पौडेल दैलेखमा हुने कार्यक्रममा सहभागी हुने कार्यक्रम छ ।
