काठमाडौं । नेपाली काँगेसको भ्रातृ संगठन महिला संघकी अध्यक्ष उमा रेग्मीले बलात्कारीलाई मृत्युदण्ड दिनुपर्ने समय आएको धारणा राख्नुभएको छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै अध्यक्ष रेग्मीले भन्नुभयो,“सरकारले अहिले अभिभावकत्व निर्वाह नगरेको पाईयो, संघले बलात्कारको विरोधमा सशक्त आन्दोलन पनि गरेको छ तर अब सरकारले बलात्कारीलाई फासीको सजाय दिनुपर्ने कानुन ल्याउनै पर्छ किनभने यो नितान्त आवश्यक भइसक्यो ।”

भागरथी भट्टको बलात्कार घटनालाई लिएर सरकारलाई वक्तब्य पठाए पनि सरकारले वास्ता नगरेको उहाँको आरोप छ ।

संघका अध्यक्ष रेग्मीले बलात्कारीलाई मृत्युदण्ड दिन अध्याधेशमार्फत भएपनि कानुन बनाउनुपर्ने औंल्याउनुभएको छ ।

अपराधीलाई मृत्युदण्डको सजाय दिएपछि मुलुकमा बलात्कार जस्ता जघन्य अपराधका घटनामा कमी आउने उहाँको धारणा छ ।

भागरथीको अपराधीलाई कानुनी दायरामा लयाउन नसके गृहमन्त्रीले राजीनामा दिनुपर्ने पनि संघका अध्यक्ष रेग्मीको भनाइ छ ।