काठमाडौं । साताको दोस्रो दिन आज कारोबार खुलेको ५ मिनेटमा नै सेयर बजार ३६ अंक धेरैले बढेको छ ।

प्रिओपन सेसनमा करिब ३० अंकभन्दा धेरैले बढेको नेप्से परिसूचक कारोबार खुलेको ५ मिनेटमा नै उचालिएको हो ।

लगानीकर्ताहरु धेरै लघुवित्त कम्पनीहरुको सेयर किन्न बसेका छन् । फरवार्ड माइक्रोफाइनान्स्लगायतको सेयर मूल्य सर्किट लेभलमा कारोबार भएको छ ।

पछिल्लोसमय लघुवित्तहरुले आकर्षक लाभांश घोषणा गर्न थालेपछि लगानीकर्ताहरु यता आकर्षित भएका हुन् ।

आइतबार सेयर बजारमा नयाँ रेकर्ड कायम भएको थियो । आज पनि त्यहिँ अनुपातमा बढ्ने हो भने नयाँ कीर्तिमान कायम हुने देखिन्छ ।