काठमाडौं । नेकपा ओली समूहका अध्यक्ष तथा प्रधानमन्त्री केपी शर्मा ओली वैशाखको मध्यावधि चुनाव एक दिन पनि पर नसर्ने दाबी गर्नुभएको छ ।
आज (सोमबार) ढल्केबरमा विद्युत सबस्टेशनको उद्घानपछि आयोजित कार्यक्रममा प्रधानमन्त्री ओलीले वैशाख १७ र २७ गते चुनाव हुने बताउनुभयो ।

प्रदेश २ मा पहिलो चरणमा चुनाव हुने भन्दै उहाँले भन्नुभयो, ‘तपाईंहरु तयार हुनुस्, चुनाव एक दिन पनि पर सर्दैन ।’

कोही चुनावको तयारी नगर भनेर निर्वाचन आयोग गएको भन्दै उहाँले निर्वाचन आयोगको काम नै चुनाव गराउने हो भन्नुभयो ।