२०८३, कार्तिक २१ गते
- यो साता चर्चामा :
काठमाडौं । विघटित प्रतिनिधि सभामा प्रमुख प्रतिपक्षी दल रहेको नेपाली काँग्रेसका भातृ संगठनहरुले आज देशभरी प्रदर्शन गर्ने भएका छन् । प्रतिनिधि सभा विघटनको विरुद्धमा काँग्रेसका भ्रातृ संगठनहरुले ७७ वटै जिल्लामा विरोध प्रदर्शन र विरोध सभा गर्ने भएका हुन् ।
कार्यक्रममा संगठनका नेताहरुसँगै पार्टीका केन्द्रीय नेताहरु पनि सहभागी हुने जनाइएको छ। काठमाडौमा गुर्जुधारा र जोरपाटी चोकमा विहान साढे ११ बजेपछि भेला भएर प्रदर्शन गर्ने कार्यक्रम रहेको छ ।
त्यसैगरी काठमाडौकै जमल र त्रिचन्द्र क्याम्पस घण्टाघरमा १२ः०० बजे भेला भई ¥याली सहित शान्तिवाटिमा पुगेर दिउँसो १ बजे विरोध सभा हुने काठमाडौ काँग्रेसले जनाएको छ ।
त्यसैगरी ललितपुरको लगनखेल चोकमा विहान ११ बजे र भक्तपुरको बालकोट चोकमा बेलुका ५ बजे प्रदर्शन गर्ने तयारी भइरहेको पनि काँग्रेस नेताहरुले जानकारी दिएका छन् ।
देशका अन्य ठाउँमा पनि स्थानीय अनुकुलता अनुसार कार्यक्रम तय गरिएको काँग्रेस केन्द्रीय कार्यालयले जनाएको छ ।
