काठमाडौं । नेकपाको पुष्पकमल दाहाल प्रचण्ड र माधवकुमार नेपाल समूहले माघ २८ गते प्रधानमन्त्री केपी शर्मा ओलीविरुद्धको प्रर्दशनलाई अहिलेसम्मकै ठूलो बनाउने निर्णय गरेको छ ।

आज बिहान पार्टी कार्यालय पेरिसडाँडामा बसेको नेकपा केन्द्रीय संघर्ष समितिले आन्दोलनलाई अझ शसक्त बनाउने निर्णय गरेको नेता विष्णु रिजालले जानकारी दिनुभयो ।

ओलीले असंवैधानिक रुपमा प्रतिनिधिसभा विघटन गरेपछि नेकपाको दाहाल नेपाल पक्षले चरणबद्ध आन्दोलनका कार्यक्रम गर्दै आएका छन् ।
उनीहरुले संसद पुनःस्थापनाको विकल्प नभएको बताउँदै देशव्यापी विरोध प्रर्दशन र आमसभा आयोजना गर्दै आएका छन् ।

बैठकलाई सम्बोधन गर्दै नेपाल दाहालले संविधान, लोकतन्त्र, गणतन्त्र, संघीयता र समानुपातिक प्रणालीको रक्षाका लागि आन्दोलन अपरिहार्य रहेकाले जनपरिचालन विकल्प नरहेको उल्लेख गर्नुभयो ।

उनीहरुले बढीभन्दा बढी जनता सडकमा ल्याउन पार्टीका तल्ला तहलाई निर्देशन दिइको रिजालले जानकारी दिनुभयो । यसअघि माघ ९ गते नेपाल दाहाल पक्षले काठमडौँमा सरकारको गैर संवैधानिक कमदका विरुद्ध प्रर्दशन गरेको थियो ।उक्त कमदविरुद्ध नेपाली कांग्रेसले पनि चरणबद्ध आन्दोलन गर्दै आएको छ।

संघीय निर्वाचन क्षेत्र, जिल्ला, स्थानीय तह र वडा तहसम्म कांग्रेसले विरोधका कार्यक्रम गर्दै आएको छ । सरकारको कमदविरुद्ध दुवै पक्ष एक जुट भए पनि संयुक्त आन्दोलन भने गर्न सकेका छैनन् ।